2024 жылғы 18 қаңтарда қала мектептерінің аға тәлімгерлері, «Көкжиек» клубының мүшелері, «Ақтөбе» газеті – облыс баспасөзінің қара шаңырағына барып, жұмысымен танысты. Кездесу барысында «Ақтөбе» газетінің жауапты хатшысы М.Ержақыпов облыстық басылымдардың қызметі туралы баяндады. Сонымен қатар «Ақтөбе Медиа» ЖШС-ның сирек экспонаттары бар мұражайына да экскурсия жасалды. Ашық форматта өткен кездесуде педагогтер сұрақтарын қойып, өз пікірлерін ортаға салды. Кездесу соңында қатысушылар редакция ұжымына сәттілік тілеп, естелік суретке түсті.